Elita e futbollit tonë, rikthehet sot pasdite me dy ndeshjet e para të javës së tretë.

Kjo xhiro hapet me duelet Ferizaj-Prishtina dhe Llapi-Malisheva, sfida këto që pritet të prodhojnë ndeshje interesante.

Dueli mes Ferizajt dhe Prishtinës do të gjykohet nga Lirim Jashari si kryesor me ndihmësit Fatlum Berisha e Faton Jakupi, derisa në duelin mes llapjanëve dhe Malishevës drejtësinë do ta ndajnë Isak Ceroviku me ndihmësit Hekuran Osmani e Drilon Rexhepi.

Dy ndeshjet tjera të kësaj xhiro, do të luhen të dielën pasdite, ku do të përballen Ballkani-Feronikeli 74’, sfidë që do të gjykohet nga Genc Nuza me ndihmësit Arbnor Bualltovci dhe Fatlum Jashari, derisa në ballafaqimin tjetër të së dielës do të takohen Dukagjini-Gjilani, e cila do të drejtohet nga Ilir Mehmeti me ndihmësit Granit Hyseni dhe Meriton Berisha.

Ndërkaq, ndeshja Drita-Suhareka është shtyrë për shkak të pjesëmarrjes së skuadrës gjilanase në Ligën e Konferencës.

Superliga /Java e Tretë

Sot takohen:

Ferizaj-Prishtina

Llapi-Malisheva

Nesër takohen:

Dukagjini-Gjilani

Ballkani-Feronikeli

Drita-Suhareka (është shtyre)

Të gjitha ndeshjte fillojnë në orën 16:00./rtk