Festivali i 81-të Ndërkombëtar i Filmit në Venecia fillon sot me 21 filma ndërkombëtarë që konkurrojnë për çmimin kryesor ”Luani i artë”.

Ngjarja gala’ është planifikuar të fillojë në orën 19:00 (17:00 GMT), me aktoren italiane Sveva Alviti që drejton mbrëmjen.

“Beetlejuice Beetlejuice” i Tim Burton, me Winona Ryder dhe Michael Keaton, do të shfaqet në hapje.

Kandidatët për ”Luanin e artë” variojnë nga filmat e mbushur me yje deri te kinemaja artistike premtuese.

Lady Gaga dhe Joaquin Phoenix luajnë në vazhdimin e Todd Phillips “Joker”.

Nicole Kidman është një biznesmene që fillon një lidhje me një praktikante të re në “Babygirl” të Halina Reijn.

Regjisori spanjoll Pedro Almodóvar shfaq filmin e tij të parë në gjuhën angleze “The Room Next Door”, i cili tregon historinë e dy miqve të portretizuar nga Julianne Moore dhe Tilda Swinton.

Angelina Jolie luan këngëtaren e njohur të operës Maria Callas në filmin biografik “Maria” nga Pablo Larraín.

Ndërkohë, filmi aksion i bashkëshortit të saj Brad Pitt – “Wolfs” nga Jon Watts – shfaqet jashtë konkurrimit.

Vendimi për ”Luanin e artë” i takon një jurie prej nëntë anëtarësh të udhëhequr nga aktorja franceze, Isabelle Huppert.

Ai do të jepet në natën e mbylljes së festivalit më 7 shtator. /atsh