Stacioni Policor në Rahovec ka raportuar se gjatë një interviste me një të dyshuar, një mashkull kosovar i moshës madhore ka pranuar se kishte në posedim një armë zjarri automatike pa leje ligjore përkatëse.

Pasi morën këtë informacion, zyrtarët policorë, në bashkëpunim me prokurorin e shtetit, kryen një kontroll në vendbanimin e të dyshuarit në rrugën “Bekim Isma” në Rahovec. Në rezultat të këtij kontrolli, u sekuestrua arma zjarri automatike ilegale dhe shtatëdhjetë e tetë (78) copë fishekë.

Prokurori i shtetit ka nisur një procedurë ligjore për “mbajtje në pronësi, kontroll ose posedim të paautorizuar të armës”, dhe rasti vazhdon të trajtohet në procedurën e rregullt.