Beyonce do të performojë në ndeshjen e NFL për Krishtlindje. Këngëtarja do të ngjitet në skenë gjatë pushimit të ndeshjes mes Houston Texans dhe Baltimore Ravens.

Kjo do të jetë hera e parë që Beyonce do të performojë këngë nga albumi i fundit, “Cowboy Carter” të cilin e njoftoi gjatë Super Bowl që u mbajt në muajin shkurt.

Lajmin për performancën në NFL Beyonce e ndau përmes një videoje shumë të veçantë ku qëndron mbi një makinë klasike amerikane të mbuluar nga trëndafila të kuq dhe e veshur me kapelen tipike ‘cowboy’.

Netflix ka lajmëruar se këngëtarja “do të shoqërohet nga disa të ftuar specialë” të albumit.