Prokuroria Speciale e Kosovës ka ngritur aktakuzë ndaj një personi për shkak të dyshimit për veprën penale “Nxitja e përçarjes dhe mos durimit”.
Në njoftimin e Prokurorisë thuhet se S.Z ka përhapë urrejtje dhe përçarje midis grupeve kombëtare përmes rrjetit social Tik-Tok, shkruan Telegram News.
“Prokuroria Speciale e Republikës së Kosovës, ka ngritur aktakuzë në Gjykatën Themelore në Prishtinë – Departamentin Special, kundër të pandehurit S.Z. në drejtim të veprës penale “Nxitja e përçarjes dhe mos durimit”, nga neni 141 par.1 të KPRK-së. Sipas aktakuzës i pandehuri S.Z ka nxitë, përhapë publikisht urrejtje, përçarje dhe mos durim midis grupeve kombëtare në atë mënyrë që përmes rrjetit social Tik-Tok ka fyer, ofenduar dhe përhapur urrejtje ndëretnike”, thuhet në njoftim. /TelegramNews.com.
