Policia e Kosovës ka bërë të ditur se armatimi dhe disa pajisje ushtarake që janë gjetur të premten kanë qenë të fshehura në banjon e hotelit Rajska Banja.

Sipas njoftimit, gjatë aksionit Policia ka gjetur dhe konfiskuar armë, fishekë të kalibrave të ndryshëm dhe pajisje ushtarake.

Teksa theksohet se këto armë kanë qenë aty që nga sulmi terrorist i 24 shtatorit të vitit të kaluar në Banjskë.

“ARMËMBAJTJE PA LEJE – Fsh. Banjskë, Zveçan 16.08.2024 – 15:15. Njësiti i hetuesisë gjatë kontrollit në banjon e një hoteli ka gjetur dhe konfiskuar: një AK-47, katër karikatorë, 103 fishekë kalibrash të ndryshëm, kapelë, bluza dhe pantallona ushtarakë, një thikë, shallë ushtarake, antiplumb me pajisje tjera. Rasti duke u hetuar”, thuhet në raport.