Deputeti i Kuvendit të Kosovës, Eman Rrahmani, ka thënë se doracaku për edukim seksual ka qenë kancer i familjes tradicionale.
Rrahmani nga “Lista Familja”, tha se ndër tjerash se ka qenë fitore tërheqja e këtyre doracakëve.
“Doracaku ka qenë kancer i familjes shqiptare dhe gjitha komuniteteve tjera”, ka thënë ai në “Pressing”.
Më tutje, Rrahmani ka thënë se pushtetet e kaluara kanë shtyrë këto agjenda për shkak të servilizimit, ndërkaq Lëvizja Vetëvendosja thotë se i ka bindje ideologjike që i beson.
“Kjo është një agjendë që ka nisur moti dhe pushtetet e kaluara e kanë pasur nga servilizmi ndaj këtyre agjendave, por duke qenë pjesë e këtij pushteti për katër vjet unë e kam kuptu që kjo është agjendë ideologjike e këtij pushteti që i beson këto vlera”, ka thënë Rrahmani.
