Në Klinikën e Onkologjisë në Qendrën Klinike dhe Universitare të Kosovës (QKUK), janë trajtuar 335 raste me kancer të gjirit gjatë nëntë muajve të parë të vitit 2024.

Prej këtyre rasteve 332 janë gra dhe 3 burra.

“Një aspekt pozitiv është se 52% e rasteve janë diagnostikuar në fazën e hershme (stadet I dhe II), çka tregon për ndërgjegjësimin në rritje ndaj kancerit të gjirit në Kosovë. Trajtimi përfshin fazat neoadjuvante ( lloj i trajtimit që jepet para operacionit, zvogëlon tumorin), adjuvante (trajtimi pas ndërhyrjes kryesore, si operacioni për të ulur rrezikun e rikthimit të kancerit). Si dhe metastatike, (kancer që përfshinë dhe pjesë të tjera, i shpërndarë)”, theksohet më tej në njoftim.