Partia Demokratike e Kosovës po e cilëson si eksperiment vendimin e Ministrisë së Arsimit për subvencionimin e teksteve dhe materialeve shkollore përmes  platformës E-Kosova, shkruan TelegramNews.

Nënkryetarja e kësaj partie, Besiana Musmurati në konferëncë për medie tha se kz është viti i tretë me radhë që Qeverinë e gjen me kriza në arsim.

“Ky është shtatori i tretë me radhë që na gjen me kriza në arsim. Grevat e mësimdhënësve në vitin 2022, mungesa  e librave në 2023 dhe siç po duket prap mungesa e librave në 2024. Pra fatkeqësisht çdo shtator po e gjen Qeverinë e Kosovës dhe ministren Nagavci të papërgatitur”, tha Musmurati.

Më tej, ajo theksoi se “gabimet po përsëriten që të shpenzohen mbi 20 milion euro për blerje të librave”.

“Nagavci ka vendosë me vazhdu eksperimentin e saj të pakuptimt për mos sigurimin e librave shkollorë me kohë. Çdo ditë e humbur në arim sjell pasoja afatgjate për gjenerata të tëra. E ministres nuk po i bëhet vonë sepse eksperimentet të cilat rezultuan sit ë dëmshme vitin e kaluar ajo qëllimshëm po i përsërit prap. Gabimet po përsëriten që të shpenzohen mbi 20 milion euro për blerje të librave. Në vitin 2017 janë blerë me rreth 3.5 milionë euro, me diku rreth 100 mijë nxënës më shumë”, shtoi Musmurati./TelegramNews./