Emisari për Ballkanin Perëndimor Manuel Sarrazini,  ka dalë të jetë pengesa kryesore e përjashtimit të mundshëm të Kosovës nga procesi i Berlinit, ku Kosova përfaqësohet me fusnotë.

Pengesën e vendosjes së fusnotës e kishte  kushtëzuar Serbia, për ta treguar superioritetin në tregtinë rajonale duke e pasur primatin e liderit në shitjen e  prodhimit.

Kushtëzimi i Sarrazinit  që Kosova të heq barrierat për produktet e mallrave serbe në Kosovë, mendohet  për një treg  liberal në shkëmbimet tregtare të prodhimit dhe lehtësimin e  jetës qytetare të Shqipërisë, Bosnjës dhe Hercegovinës, Kosovës, Maqedonisë, Malit të Zi dhe Serbisë,  që lehtëson hapjen e rrugës për BE.

Bllokimi i mallrave të Serbisë në Kosovë ka ndodhur gjatë mesit të muajit maj të vitit  2023, kur serbët kidnapuan tre policët kufitarë të Kosovës .

Tani emisari për Ballkanin Perëndimor ka zbarkuar dy herë në Prishtinë për ta bindur  Kosovën që të evitojë bllokadat për mallrat e Serbisë në mënyrë që  tregu  i CEFTA-s si organizatë me një legjislacion të zyrtar nga BE-ia, të zhvillohet pa pengesa në rajonin e shkëmbimit të mallrave.

Ankesën e Kosovës se Serbia e ka penguar  në zhvillimet e kaluara tregtare, Gjermania e  ka mbuluar me arsyetimet e qarta se shteti gjerman do të vendos pajisje  vëzhguese dhe kamera në pikat kufitare Kosovë-Serbi, për ta ndjekur  gjendjen nga dora e parë në vendin e ngjarjes.

Gjermania  ka  premtuar  shqyrtimin e heqjes së logos së UNMIK-ut dhe zëvendësimin me Kosovën

Kushti më i rëndësishëm që  ka propozuar Gjermania  për zhvillimin e CEFTA-s pas Berlinit të këtij viti është heqja e logos së UNMIK-ut që përfaqëson Kosovën edhe si nënshkrues i marrëveshjes së CEFTA-s, por Kosova deri më tani nuk ka dhënë shenja se Kosova do të përulet para masave.

Zëdhënësi i Ambasadës gjermane në Kosovë, Christian Bottcher, ka thënë se Gjermania  do që rajoni  CEFTA-s të zhvillohet pa pengesa.

Në ankesat e Kosovës në Hamburg ku Kurti foli me Sarrazinin duke mos qenë i gatshëm të ofertojë për ndryshime, Sarrazin  ka thënë se Gjermania ka ofruar një paketë sigurie, përfshirë teknologjinë më të fundit, për të lejuar skanimin e shpejtë dhe të sigurt të mallrave në pikat kufitare”.

Problem tjetër është se skanerët  gjermanë duhet t’i nënshtrohen procedurës së prokurimit, ndërsa kjo zor që mund të arrihet  kur deri te procesi ka mbetur  rreth një muaj kohë.

Megjithatë presidentja Osmani pajisjet doganore për skanim të shpejtë të mallrave i ka quajtur  “dhuratë të jashtë zakonshme gjermane që së bashku me largimin e UNMIK-ut si  kryesues, janë arritje për Kosovën.

Ferat Shala i PDK-së ka thënë për telegram News se Kosova nuk guxon të përulet para  CEFTA-s duke u trajtuar  ndryshe nga cili do shtet  i organizatës dhe nuk guxon të pranojë koncesione që dëmtojnë reputacionin e shtetit”.

Lajmin se vendet e CEFTA-s dhe procesi i Berlinit mundë të ecin përpara edhe pa Kosovën.

Pas takimit të fundit të kryeministrit me Sarrazinin, këshilltari i Kurtit, Jeton Zulfaj, tha se Serbia tash e ka kushtëzuar këtë zgjidhje me heqjen e masave të sigurisë së Kosovës në pikat kufitare me Serbinë.

Njohësit e integrimeve evropiane shohin  se Kosova duhet të kuptohet me  nikoqirin gjerman për pjesëmarrje në procesin e Berlinit, por procesi nuk quhet sukses vetëm nëse Kosova merr pjesë  aty.

Kosova duhet të kërkojë barabarësi për mallrat dhe heqjen e barrierave që së pari ia ka vendosur asaj  Serbia dhe iniciativa e Serbisë është mbështetur  nga rajoni dhe Gjermania.

Kosova duhet të kërkojë të rrit  eksportin prodhues sepse importi  është dhjetë fish më i lartë se eksporti që Kosova transporton  jashtë shtetit.

Megjithatë, edhe Kosova ka fuqinë që të përdorë barriera ndaj të gjitha shteteve që përdorin Kosovën  si transit  për transport, edhe pse ky hap do ta mbante Kosovën në distancë edhe  më të madhe me BE-në

Kosova në importin e mallrave nga Serbia  i ka paguar Serbisë të paktën  një të katërtën e buxhetit  vjetor për vite të tëra./Telegram News