Elon Musk shkaktoi polemika me një postim në platformën e tij X, duke komentuar mbi përpjekjet për vrasjen e Donald Trumpit dhe duke sugjeruar se askush nuk po përpiqet të dëmtojë Biden ose Kamala Harris.

Duke iu përgjigjur një postimi që pyeste: “Pse duan të vrasin Donald Trumpin?”, Musk shkroi në mënyrë provokative: “Dhe askush nuk po përpiqet të vrasë Biden apo Kamala”, duke iu referuar presidentit dhe zëvendëspresidentes aktuale, transmeton Telegram News.

Postimi i tij, që shpërndau zemërim politik, u kritikua nga përdoruesit, dhe Musk më vonë e hoqi, duke shpjeguar se nuk kishte qëllim të ishte serioz dhe duke u përpjekur të theksonte rëndësinë e unitetit. /TelegramNews/