Gjykata Themelore në Gjakovë ka caktuar masën e paraburgimit prej një muaji për të dyshuarit Gj.P. dhe P.I. për sulm ndaj zyrtarëve policorë dhe pengim të detyrës së tyre.

Sipas prokurorisë, të dyshuarit sulmuan një polic që kishte vërejtur dëmtimin e pasqyrës së motoçikletës dhe më pas tentuan të marrin armën e tij, duke i shkaktuar lëndime.

Gjykatësi Drilon Haraçia vlerësoi se paraburgimi është i nevojshëm për të parandaluar përsëritjen e veprave penale dhe ndikuar në dëshmitarë.

Të dyshuarit do të qëndrojnë në paraburgim deri më 09 shtator 2024.