Presidentja e Republikës së Kosovës, Vjosa Osmani dje ka pritur në takim, ambasadorin amerikan në Kosovë, Jeffrey Hovenier.

Në njoftimin e Presidencës thuhet se është diskutuar për përpjekjet e përbashkëta të bashkëpunimit bilateral mes Kosovës dhe ShBA-ve.

“Në takim u diskutua për zhvillimet e fundit në vend si dhe përpjekjet e përbashkëta për intensifikimin e bashkëpunimit bilateral ndërmjet Kosovës e SHBA-ve në fusha të ndryshme”, thuhet në njoftim.

Bëhet e ditur se temë diskutimi në këtë takim ka qenë edhe agjenda ndërkombëtare.

“Në takim u diskutua edhe për agjendën ndërkombëtare, në veçanti për pritshmëritë dhe aktivitet gjatë javës së lartë të Asamblese së Përgjithshme të Kombeve të Bashkuara”, njofton Presidenca. /TelegramNews/