Presidentja e Kosovës, Vjosa Osmani në përvjetorin e masakrës së Srebrenicës, ka thënë se ajo është simbol i nevojës së vazhdueshme për drejtësi.

Osmani në Facebook tha se tmerret e atij kapitulli të errët janë kujtesë e mizorisë njerëzore.

“Srebrenica nuk është vetëm një vend në hartë, por një simbol i nevojës së vazhdueshme për drejtësi, rëndësisë së të vërtetës dhe fuqisë së kujtimit. Tmerret e atij kapitulli të errët, kur mbi 8 mijë djem e burra boshnjakë u vranë brutalisht nga regjimi gjenocidal i Millosheviqit, janë kujtesë e mizorisë njerëzore”, tha Osmani.