Ministria e Punëve të Jashtme dhe Diasporës, organizon sot festën “Faleminderit mërgatë”.

Sipas njoftimit ky organizim vjen në kuadër të 25-vjetorit të çlirimit të Kosovës.

Derisa bëhet e ditur se  aktivitetet do të fillojnë sot nga ora 10:00 deri në ora 23:00.

“Qytetarët do të kenë rastin të jenë pjesë e këndeve të shumta të vendosura në sheshin “Skënderbeu” përmes të cilave do të promovohen produkte vendore, turizmi, kultura, teknologjia si dhe këndi ku qytetarët nga diaspora do të kenë mundësi të regjistrohen. Aktivitetet tërë ditore do të përmbyllen me koncertin “Faleminderit mërgatë”, i cili fillon nga ora 18:15 dhe hyrja do jetë falas për të gjithë. Artistët që do të përformojnë në këtë koncert janë: Dafina Zeqiri, Ardian Bujupi, Luiz Ejlli, Mc Kresha, Lyrical Son dhe Fisnikët”, thuhet në njoftim.