Ndihmëssekretari amerikan i Shtetit për Evropën, Jams O’Brien, ka reaguar për aksionin e djeshëm të Policisë së Kosovës ku u mbyllën pesë komuna paralele në veri.
O’Brien i ka quajtur të “pakoordinuara” veprimet e qeverisë së Kosovës.
Ndërsa, i ka bërë thirrje kryeministrit Albin Kurti që të konsultohet dhe të mos e ndikojë negativisht partneritetin Kosovë-SHBA.
“Siç e bëri të qartë ambasada e SHBA-së në Kosovë se SHBA-ja është e shqetësuar nga vazhdimi i veprimeve të pakoordinuara dhe provokuese të Qeverisë së Kosovës. Ne vlerësojmë punën e atyre, përfshirë EULEX-in dhe KFOR-in, të cilët parandalojnë dhunën dhe bëjnë thirrje për përmbajtje të vazhdueshme nga të gjithë të përfshirët dhe të prekurit”, ka shkruar O’brien.
Ndërsa, i ka bërë thirrje kryeministrit Albin Kurti që të konsultohet dhe të mos e ndikojë negativisht partneritetin Kosovë-SHBA.
“I bëjmë thirrje kryeministrit Kurti dhe qeverisë së tij që të konsultohen dhe të koordinohen me komunitetin ndërkombëtar dhe të ndërpresin veprimet e pakoordinuara që ndikojnë negativisht në partneritetin tonë”, ka shtuar ai.
