Deputetja nga Partia Demokratike e Kosovës, Ganimete Musliu, ka ironizuar me Gjykatën Speciale të cilën e quajti “Dhomat e Politizuara të Hagës”.
Përmes një postimi në Facebook, Musliu ka vlerësuar se Specialja duhet të merret edhe me pretendimet e kryetarit të Podujevës, Shpejtim Bulliqi, i cili ka thënë se kryetari i LDK-së, Lumir Abdixhiku, e urren Rugovën, pasi ai e kishte larguar fotografinë e Rugovës nga zyra.
“Dhomat e “POLITIZUARA” të Hagës duhët të intervenojnë urgjent për ta arrestuar Lumir Abdixhikun sepse sipas dëshmitarit Shpëjtim Bulliqi, Lumiri e urren Rugovën dhe ka larguar fotografinë nga zyra”, ka shkruar ajo.
Ndërkaq në disa seanca në Hagë, disa dëshmitarë kanë treguar edhe për largimin e fotografisë së Rugovës nga disa zyra, për të cilat Musliu ka reaguar.
