Ministri i Mbrojtjes, Ejup Maqedonci, ka thënë se pjesëtarë të Forcës së Sigurisë së Kosovës, dhe studentë të Akademisë së Forcave të Armatosura të Shqipërisë janë zhvendsour në Zall-Herr për zhvillim të programit ekstrakurrikular.
Përmes një postimi në Facebook, Maqedonci krahas videos ka thënë se pjesëtarët kanë praktikuar teknika të ndryshme.
“Pjesëtarët e Forcës së Sigurisë së Kosovës, studentë të vitit të dytë të Akademisë së Forcave të Armatosura të Shqipërisë janë zhvendosur në Zall-Herr për zhvillimin e programit ekstrakurrikular në alpinizëm, për të praktikuar teknikat të ndryshme të zbritjes nga kulla e famshme e alpinizmit në Regjimentin e Operacioneve Speciale. Kosova përditë e më shumë po rritë bashkëpunimin me Shqipërinë veçanërisht në fushën e sigurisë dhe mbrojtjes. Si një komb krah për krah njëri tjetrit do të jemi gjithmonë”, ka shkruar Maqedonci. /TelegramNews/