Pas një angazhimi të jashtëzakonshëm të punonjësve të KEDS-it, Ju informojmë se para pak çastesh është rikthyer furnizimi me energji elektrike i ITU në Shipol dhe tashmë ka filluar punën Impianti për Trajtimin e Ujit të Pijes në Shipol.
Kështu ka njoftuar Kompania Rajonale Ujësjellësi “Mitrovica” përmes një njoftimi për medie, shkruan TelegramNews.
Sipas tyre, tani impianti është duke punuar me kapacitet të plotë të prodhimit/trajtimit të ujit dhe pritet që së shpejti të rikthehet furnizimi; fillimisht në pjesët e ulëta e me kohë duke u mbushur rrjeti, uji pritet të arrijë edhe në pjesët e larta.
“Shfrytëzojmë rastin që të falënderojmë punonjësit e KEDS-it të cilët kanë bërë një punë të jashtëzakonshme për sanimin e defektit dhe rikthimin e energjisë elektrike në ITU – Shipol. Po ashtu, falënderojmë konsumatorët e Mitrovicës dhe Skenderajt për mirëkuptimin e tyre”, thuhet tutje./TelegramNews.
