Kandidati i AAK-së për kryeministër, Ramush Haradinaj, ndau mesazhe nga tubime elektorale në Kosovë, përderisa ndodhet në Shtetet e Bashkuara të Amerikës për inaugurimin e Presidentit Trump.

“Kanë dhënë shumë s’po marrin aq sa duhet,” u shpreh kandidati për kryeministër, duke iu referuar banorëve të Vitomiricës së Pejës dhe Rogovës së Hasit, ku u mbajtën tubime të koalicionit që ai drejton. Haradinaj theksoi se këto vendbanime, sikurse shumë të tjera anekënd Kosovës, vazhdojnë t’i japin fuqi projektit të tij politik.

Haradinaj, përmes një postimi në rrjete sociale, shoqëruar me fotografi nga tubimet, shprehu vendosmërinë për të realizuar projektin “Kosova Fituese”, duke falënderuar banorët e të dy vendbanimeve për mbështetjen e vazhdueshme.