Të enjten, më 20 qershor, Komanda, Shtabi dhe Kompania Greke e Forcës së Dytë Rezervë Shumëkombëshe të KFOR-it u nisën nga Greqia për në Kampin Bondsteel në Kosovë për misione sigurie.

Batalioni i II-të Shumëkombësh i Rezervave Operacionale përfshin një staf të përbashkët me anëtarë nga Greqia, Shqipëria, Bullgaria, Rumania, dhe është komanduar nga Greqia deri në dhjetor 2024.

Forcat përfshijnë pesë kompani manovrash me kontribute nga këto vende dhe Austria.

Kjo është hera e dytë që këto forca vendosen në Kosovë, pas një misioni të mëparshëm nga shtatori deri në dhjetor 2023 në kuadër të misionit paqeruajtës të KFOR-it.

Ushtria Greke në njoftimin e saj për media theksoi kontributin e tyre në sigurinë dhe stabilitetin e rajonit të Ballkanit.