Policia e Kosovës ka bërë të ditur se një qytetar nga qyteti i Rahovecit ka gjetur një shumë parash, të cilat më pas i ka dorëzuar në polici.

Qytetari me inicialet F.P shumën e parave i ka gjetur në rrugën “UÇK”.

Me këtë rast, policia përmes një njoftimi publik ka bërë thirrje publike për pronarin e parave, që të paraqitet në stacion dhe t’i marrë ato.

“Me qëllim të gjetjes së pronarit të ligjshëm, ftojmë qytetarin që ka humbur këto para të paraqitet në stacionin policor në Rahovec për të identifikuar shumën dhe për të marrë në posedim parat e gjetura. Për më shumë informacione, ju lutemi kontaktoni Stacionin Policor në Rahovec në numrin e telefonit 192 dhe 029/277-913 ose vizitoni stacionin policer”, thuhet në njoftim.