Komuna e Ferizajt ka njoftuar se fermerët kanë marrë pjesë në dëgjimet buxhetore për projektbuxhetin e vitit 2025, ku kanë paraqitur nevojat dhe kërkesat e tyre.
Në njoftimin nga kjo komunë thuhet se hapjen e këtij takimi me fermerët e ka bërë drejtorja e financave, shkruan TelegramNews.
“Hapjen e takimit me fermerët e ka bërë drejtorja e financave, Sebahate Ajeti-Sadiku, e cila të pranishmit i ka njoftuar me planifikimet për subvencionimin e fermerëve për vitin e ardhshëm. Ndërsa fermerët e pranishëm në sallë kanë kërkuar subvencionimin për shitjen e qumështit, kanë kërkuar sera të mëdha, financimin me naftë, por kanë kërkuar edhe një kioskë për shitjen e produkteve dy herë në javë”, thuhet në njoftim.
Derisa theksohet se me këtë dëgjim buxhetore kanë përfunduar të gjitha dëgjimet buxhetore për projektbuxhetin e vitit 2025.
