Komuna e Istogut ka njoftuar se do të ketë rritje dhe lëvizje të trupave dhe automjeteve të KFOR-it brenda kësaj komune.
Përmes një njoftimi në Facebook, kjo komunë ka bërë të ditur se rritja e lëvizjes do të ndodhë si shkak i procedurave normale të pranim-dorëzimit të kontigjenteve.
“Të nderuar qytetarë ju njoftojm se në ditët në vijim do të ketë rritje të lëvizjeve të trupave dhe automjeteve të KFOR-it brenda territorit të komunës së Istogut, për shkak të procedurave normale të pranim-dorëzimit të kontingjenteve”, thuhet në njoftim.
Më tej, thuhet se do të bëhen ushtrime nga KFOR-i për të ruajtuar aftësitë operacionale.
“Po ashtu do të bëhen ushtrime për të testuar dhe ruajtur aftësitë operacionale në mënyrë që të sigurohet niveli i njëjtë i përgatitjes dhe gatishmërisë për të gjitha njësitë në terren”, thuhet tutje në njoftim. /TelegramNews/
