Në Malin e Zi, infeksionet nga kafshët shtëpiake, më konkretisht ethet Q, janë konfirmuar në dy persona, njoftoi Instituti i Shëndetit Publik i Malit të Zi sonte.
Të dy njerëzit nuk raportuan ndonjë problem në kohën e testimit, por deklaruan se ata kishin simptoma që korrespondojnë me këtë sëmundje në muajin e kaluar. Njerëzit e infektuar jetojnë në ferma në komunën e Danilovgrad, transmeton Telegram News.
Infeksionet në kafshët shtëpiake janë raportuar në disa raste në këtë komunë. Gjithashtu, në komunën e Niksic gjatë vitit 2024, Ethet Q u regjistruan në kafshë në gjashtë njësi të ndryshme.
Sipas ligjit të malazez, kushdo që është i infektuar me Ethet Q, është i detyruar ti raportojë autoriteteve. Në fillim të këtij viti, u konfirmuan edhe dy raste, një në Bijelo Polje dhe një në Podgorica. /TelegramNews/
