Në futbollin ndërkombëtar, të gjithë sytë sot do të jenë nga Premier League.
E kjo pasi zhvillohet derbi më i madh në Angli.
Tottenham Hotspur dhe Arsenal do t’i masin forcat në kuadër të xhiros së katërt në Premier League.
Vendasit do të jenë me disa mungesa.
Ange Postecoglou nuk do të mund të llogarisë në sulmuesin Richarlison, derisa në dyshim janë Dominic Solanke, Yves Bossouma dhe Micky van de Ven.
Nga ana tjetër, Mikel Arteta do të ketë disa mungesa shumë të rëndësishme.
Tekniku spanjoll nuk do të mund të llogarisë në Kieran Tierney, Takehiro Tomisay, Mikel Merinon dhe Martin Odegaard për shkak të lëndimeve, derisa Declan Rice është i suspenduar dhe nuk do të mund të paraqitet në këtë takim.
Ndeshja zhvillohet në “Tottenham Hotspur Stadium” me fillim nga ora 15:00.
