Emisari në largim i BE-së për dialogun Prishtinë-Beograd, Miroslav Lajçak, deklaroi se BE-ja ka për qëllim rifillimin bisedimet në nivel liderësh pas zgjedhjeve të përgjithshme në Kosovë më 9 shkurt.
Sipas emisarit të BE-së për dialogun Kosovë-Serbi, shefja e diplomacisë evropiane Kaja Kallas synon të nis agjendë bisedimesh mes palëve në proces, përmes emisarit të ri Peter Sorensen.
Miroslav Lajçak, është deklaruar se dialogu i filluar prej tij në prill të vitit 2020, është në gjendje shume më të mirë se që ishte dikur dhe se ai është zhvilluar për arritjen e frymës së normalizimit të marrëdhënieve mes Prishtinës dhe Beogradit.
Sipas Lajçak, “në muajin prill të vitit 2020, dialogu nuk ekzistonte dhe detyra e parë e tij ishte ta kthente dialogun në jetën publike dhe deri te kjo pika kanë arritur bisedimet, përmes një pune shumë intensive dhe sistematike”.
Që kur mori mandatin për ta udhëhequr dialogun në vitin 2020, Lajçak ka organizuar 14 takime bisedimesh në nivel të lartë të përfaqësuesve shetërorë dhe 31 takime në nivel kryenegociatorësh shumica e të cilëve janë mbajtur nga Besnik Bislimi dhe Petar Petkoviq.
Lajçak në dorëzim të mandatit do t’i përcjell te emisari i ri Petersen të arriturat e dialogut si dhe t’i bëjë të ditur atij se ku ka mbetur pika e nxehtë e dialogut, duke deklaruar se tashmë ka rezultate konkrete siç është rasti i personave të zhdukur, pastaj në infrastrukturë energjetike në veri të vendit dhe udhëtimi me letërnjoftime.
Sipas tij, rezultati më i rëndësishëm është Marrëveshja e Ohrit në rrugën drejt normalizimit, por të arriturat e dialogut nuk kanë gjetur zbatimin në terren për mungesë besimi të ndërsjellë./Telegram News
