Dy persona janë arrestuar sot nga policia në Ferizaj.

Sipas raportimeve ata janë Bedri Shabani dhe Muharrem Qerimi, të njëjtit dyshohen për bashkëpunim me BIA-n serbe.

Teksa Policia tashmë është duke kryer bastisje në shtëpitë e tyre, derisa aksioni po udhëhiqet nga Drejtoria për Krime të Rënda.

E Prokuroria Speciale e Kosovës ka konfirmuar se të njëjtëve tahsmë u është caktuar masa e paraburgimti prej 48-orësh dhe se ndaj tyre do të ndërmerr të gjitha veprimet e nevojshme hetimore.

Prishtinë, 5 qershor 2024 – Prokuroria Speciale e Republikës së Kosovës e njofton opinionin publik se pas zhvillimit të hetimeve disa mujore, sot në bashkëpunim me Policinë e Kosovës dhe AKI-në, ka zhvilluar bastisje në dy lokacione të Kosovës dhe ka arrestuar dy persona me nënshtetësi Kosovare, të dyshuar për kryerjen e veprës penale “spiunazhi”, nga neni 124 të KPRK-së. Prokuroria Speciale e Republikës së Kosovës, ndaj të dyshuarve ka nxjerrë aktvendim për ndalim prej 48 orësh dhe ndaj të njëjtëve do të ndërmerr të gjitha veprimet e nevojshme hetimore.- thuhet në komunikatën për media.