Kryetari i LDK-së, Lumir Abdixhiku tubimin e radhës e ka mbajtur në Suharekë, nga ku ka thënë se fton secilin që të besojnë në Republikën e Kosovës.

Abdixhiku u tha qytetarëve atje se nuk qëndron para tyre që t’u thotë se jemi populli i varfër dhe u shpreh se ankesat janë për të dobëtit dhe siç tha, puna për të fortit.

“Sot qëndrojë para jush me zotimin për një ambicie të madhe, një që iu fton juve dhe secilin tjetër të besojnë në Republikën e Kosovës. Ky vend i pasurive përrallore, i njerëzve të shkëlqyeshëm e familjeve punëtore, ka një tregim të bukur përpara”.

“Ky tregim na vjen si thirrje e gjyshërve tanë e si detyrim ndaj fëmijëve tanë. Ky tregim na thërret që të bëhemi të barabartë mes popujve e kombeve evropiane. Nuk qëndroj para jush të them se jemi popull i varfër e të iu ftoj në dorëzim e ankesa. Ankesat janë për të dobëtit, puna është për të fortit”, është shprehur Abdixhiku