Edhe pse disa nga anëtarët e VV dolën në mbrojtje të Mimoza Kusarit lidhur me skandalin e përgjimeve, vetë kreu i këtij subjekti Albin Kurti e quajti Radojiçiqin “Prigozhin të Vogël” që mbrohet nga Serbia.

Këtë koment Kurti e dha në A2 CNN, duke thënë se Radojiçiq e Veselinoviq i përkasin strukturës paramilitare serbe.

“Veselinoviq, Radojiçiq të gjithë këta i përkasin një strukture paramilitare në Serbi të cilët kanë prona të mëdha kanë pasuri marramendëse dhe të cilët i organizojnë elementet kriminale për ta destabilizuar Kosovën”, tha Kurti.

“Serbia në Ballkan sillet si Rusi e Vogël që e ka edhe Putinin e Vogël, por e ka edhe Prigozhinin e vogël që është Milan Radojiciq, por për dallim nga Prigozhini – ky i Serbisë është i lirë dhe mbrohet nga pushteti dhe merr pjesë në fushatë zgjedhore për partinë e presidentit të Serbisë”, u shpreh Kurti.

Ndwrkohw qw deputeti i LVV-së, Eman Rrahmani duke komentuar publikimin e bisedës së shefes së grupit parlamentar të partisë së tij, Mimoza Kusari-Lila me të sanksionuarin e ShBA-së, Milan Radoiçiq, ka thënë se ajo nuk e përfaqëson politikisht as ideologjikisht.

Madje Rrahmani ka deklaruar se me Kusari-Lilën ka dallime edhe më të mëdha se me Vetëvendosjen.

Zonja Kusari nuk më përfaqëson mua si deputet. Ajo është shefe e një grupi parlamentar, e cila është propozuar prej kryetarit. Ka marr votën e shumicës të deputetëve dhe si vendim i tillë është respektuar prej meje. Në aspektin ideologjik e praktik unë dallimet shumë më të mëdha sesa me Vetëvendosjen i kam me Mimozën, në shumicën e çështjeve. Mimoza Kusari nuk më përfaqëson as politikisht, as ideologjikisht mua”, është shprehur ai në në tëvë1./telegram.co