Daut Haradinaj ka thënë se vrasja e Jusuf e Bardhosh Gërvallës dhe Kadri Zekës, janë pikënisja e çlirimit dhe fillimi i fundit të Jugosllavisë në Kosovë.

Haradinaj ka thënë se me krenari ka udhëhequr Brigadën 131 me emrin e heroit “Jusuf Gërvalla”.

“…me krenari sot kujtojmë kontributin e tyre të pashoq për kombin tonë, 43 vjet pas përjetësimit të tyre! Nën siglen 131 dhanë jetën 300 dëshmorë dhe mbetën qindra invalidë. Përjetësisht respekt për sakrificën tonë kombëtare”, ka shkruar Haradinaj.