Zëdhënësi i Qeverisë së Kosovës, Perparim Kryeziu, ka njoftuar se Prokuroria Speciale e Kosovës i ka dërguar një ftesë për kryeministrin Albin Kurti, i cili është kandidat i Lëvizjes Vetvendosje për kryeministër në zgjedhjet e 9-të shkurtit.

Deputeti nga radhët e kësaj partie, Dimal Basha ka deklaruar se Kurti nuk mund të akzuohet nga askush për krim e korrupsion.

Basha tha se atij nuk mund t’i kapet askush për asgjë.

“Unë mendoj që ata e dinë pse e kanë thirrë, por unë e di një send, veç te Albin Kurti sun kapen për asnjë send. Besoj që është dëshmuar me vite të tëra, para sistemeve fashiste të Serbisë kur nuk e ka pranuar republikën e Serbisë, gjykimine tij kur është kidnapuar. Mendoj që historia e tij politike flet pastër e kaluara e tij që është njeriu më i pashantazhueshëm kështu që, Prokuroria Speciale mundet me qu ftesa por pë një send nuk mundet me akuzu Albin Kurtin askush në këtë Republikë, për krim, korrupsion”, deklaroi ai në emisionin “Raporto”.

“Mendoj që sisemi i Drejtësisë në këtë Republikë ka probleme të mëdha dhe mendoj që është i kapur dhe i kalbur, si e thotë edhe vet Ambasada Amerikane”, shtoi ai.