Kryeministri Albin Kurti është takuar sot me gjeneralin Wesley Clark, njëherësh ish-komandant suprem i NATO-s gjatë luftës në Kosovë.

Në njoftimin për këtë takim thuhet se Clark vazhdon të mbetet mik dhe përkrahës i popullit dhe shtetit të Kosovës, derisa bëhet e ditur se ushtaraku amerikan për planet zhvillimore të vendit.

Në takim ka marrë pjesë edhe djali i Clark.

“I shoqëruar nga i biri që i ka përtërirë emrin dhe bashkëpunëtorë nga vende të ndryshme, ushtaraku amerikan u interesua për planet zhvillimore të Republikës së Kosovës në një kohë të ndryshimeve dhe mundësive të mëdha në botë. Bashkë diskutuan përparimin që ka shënuar vendi ynë, për zhvillimet aktuale rajonale, dhe për mundësitë e bashkëpunimit. Kryeministri Kurti falënderoi gjeneralin Clark për interesimin e vazhdueshëm për vendin tonë, për kontributin e tij të jashtëzakonshëm për çka i jemi mirënjohës gjithmonë”, thuhet në njoftimin e lëshuar nga ZKM.

Clark ka zhvilluar takim sot edhe me Presidenten Vjosa Osmani.

“Vendosmëria dhe lidershipi juaj i kontribuuan lirisë së Kosovës, duke siguruar një të ardhme ku dinjiteti mbizotëron mbi frikën dhe shtypjen”, ka thënë Osmani.