Misioni i SHBA’së në Organizatën e Kombeve të Bashkuara (OKB) ka shkruar për takimin që zhvilloi dje Presidentja e Kosovës, Vjosa Osmani, me Ambasadorin Robert Wood.
Në njoftim thuhet se ata kanë diskutuar edhe për dialogun Kosovë-Serbi, të ndërmjetësuar nga Bashkimi Evropian.
“Ambasadori Wood u nderua të priste Presidenten e Kosovës Vjosa Osmani – e cila ishte në Nju Jork për të mbrojtur çështjet e grave, paqes dhe sigurisë…Ambasadori Wood shprehu vlerësimin e tij për mbështetjen e palëkundur të Kosovës për Ukrainën”, thuhet në njoftim.