Shefi i Grupi Parlamentar të Aleancës për Ardhmërinë e Kosovës (AAK), Besnik Tahiri, ka reaguar ndaj qeverisë së Kosovës e cila nuk e ka bërë ekzekutimin e pagave për muajin shtator për punonjësit publik.

Përmes një postimi në Facebook, Tahiri ka thënë se kjo e shkelë dinjitetin e shumë familjeve që mezi arrijnë t’ia dalin nga muaji në muaj.

“Çfarë qeverie duhet të jetë ajo e cila guxon të dështoj në ekzekutimin e pagave, duke shkelur dinjitetin e shumë familjeve që mezi arrijnë t’ia dalin nga muaji në muaj? E kisha paralajmëruar këtë skandal. O djem, mos luani me njerëzit, mos luani me shtet! Nesër është i pari”, ka shkruar Tahiri. /TelegramNews/