“Qytetarë e Shteteve të Bashkuara të Amerikës duhet të largohen menjëherë nga Libani në mes të sulmeve mbi kryeqytetin e vendit”, ka thënë një zëdhënës i sigurisë kombëtare të Shtëpisë së Bardhë.

John Kirby tha se amerikanëve u është thënë gjithashtu të mos udhëtojnë në Liban, sepse tensionet me Izraelin janë shumë të larta, transmeton Telegram News.

Duke folur për reporterët, ai tha se nuk mund të komentojë sulmet e fundit, por përsëriti se administrata e Biden po përpiqej të shmangte një përshkallëzim në rajon.

Ai tha se nuk ishte në dijeni të ndonjë njoftimi të Izraelit në SHBA para sulmeve në Beirut sot. /TelegramNews/