Policia e Kosovës ka njoftuar se dy persona dyshohet se kanë hedhur një bombë dore në kopshtin e një shtëpie në fshatin Isniq të Deçanit.

Sipas njoftimit, në vendin e ngjarjes në cilësi të provës materiale është gjetur dhe konfiskuar një dorezë që dyshohet të jetë e bombës se dorës.

Derisa nuk raportohet për të lënduar, përcjell TelegramNews.

“Raportohet se dy persona të dyshuar me një motoçikletë (skuter), në kopshtin e një shtëpie kanë hedhur një bombë dore. Në vendin e ngjarjes në cilësi të provës materiale është gjetur dhe konfiskuar  një dorezë që dyshohet të jetë e bombës se dorës. Nuk raportohet për të lënduar apo dëme materiale”, thuhet tutje.