Kryesuesi i Komisionit Qendror të Zgjedhjeve, Kreshnik Radoniqi, ka pritur sot në takim lamtumirës shefin e Misionit të OSBE-së në Kosovë, Michael Davenport.
Përmes një postimi në Facebook, KQZ ka bërë të ditur se Radoniq ia ka dhuruar Davenport hartën e Kosovës.
“Me këtë rast, Radoniqi ndau mirënjohje për ambasadorin Davenport për kontributin dhe pëkrahjen e vazhdueshme të Komisionit Qendror të Zgjedhjeve”, thuhet në njoftim.
Më tej në njoftim thuhet se Radoniq ka falënderuar Davenport për kontributin që ka dhënë në KQZ.
“Kryesuesi Radoniqi e falënderoi ambasadorin Davenport për kontributin e tij në mbështetje të KQZ-së. Radoniqi kujtoi së fundmi edhe pranimin e softuerit të KQZ-së i zhvilluar me mbështetjen e OSBE-së, përmes së cilit do të digjitalizohen shumë nga operacionet zgjedhore”, thuhet tutje në njoftim. /TelegramNews/