Artikulli i gazetës prestigjioze si “Financial Times”, rreth prezantimit të arriturave të Kosovës në GDP dhe rritja në raport me investitorët  e huaj në Kosovë, po konsiderohen si propagandë e sponsorizuar institucionale për  fushatë parazgjedhore të Qeverisë.

Ish kryetari i Odës Ekonomike të Kosovës Safet Gërxhaliu e ka cilësuar “reklamë të sponsorizuar”, shkrimin e Kurtit rreth  sukseseve të Kosovës nga investitorët.

“Realiteti për ata që jetojnë në Kosovë është krejt ndryshe.

Një shtet i cili është me sanksione të BE-së dhe ato sanksione jo vetëm që tentohen të largohen, por edhe vështirësohen dhe shtohen.

Është iniciatori i parë i cili ka rrënuar stabilitetin politik, është iniciatori i dytë, një shtet ndaj të cilit po ikë shpresa për më mirë është argumenti tjetër dhe kur kemi parasysh se nga Kosova po ikë kapitali, pra nuk kemi investime të huaja, besoj se është dëshmia më e mirë që e përshkruan realitetin në Kosovë”, ka thënë Gëxhaliu duke paraqitur euforinë qeveritare që nuk përkon me realitetin.

“Prandaj nuk duhet të jemi të ekzagjeruar me deklarata të tilla që vijnë nga institucionet e sponsorizuara sepse vendimi dhe opinioni më i mirë është ai që e thotë qytetari i Kosovës. Në këtë drejtim situata është më shumë se sa vetëm alarmante, kemi arsye për përkushtim, për dialog, për vizion ekonomik.

Prandaj duhet të kemi përkushtim e jo të merremi me reklama e sponsorizimi.

Një shtet që është nën sanksione ekonomike, është e tepërt të mendohet për investime kapitale.

Përderisa nuk do të ketë përkrahje ndaj sektorëve privatë nuk do të ketë as investime nga të huajt dhe ato biznese private që operojnë në Kosovë do të tentojnë ti bartin bizneset e tyre në vendet e jashtme.