Partia bullgare (ITN) ia ktheu sot mandatin për formimin e qeverisë presidentit Rumen Radev, pasi nuk arriti të formojë një koalicion të qëndrueshëm.

ITN përfundoi në vendin e gjashtë në zgjedhjet e 8 qershorit, me vetëm 16 anëtarë në parlamentin prej 240 anëtarësh.

“E kuptuam se nuk kemi synime të përbashkëta, ndaj po e kthejmë mandatin”, tha kreu i ITN-së Toshko Jordanov.

Radev tani duhet të emërojë një kryeministër të përkohshëm dhe në ditët në vijim duhet të thërrasë zgjedhje të reja, të shtatat qe nga 2021, të cilat duhet të mbahen brenda dy muajve të ardhshëm.

Bullgaria nuk ka pasur një qeveri të qëndrueshme qe nga viti 2020, kur protestat kundër korrupsionit rrëzuan koalicionin e udhëhequr nga GERB, një parti e qendrës së djathtë.

Zgjedhjet në qershor u shpallën pas rënies së koalicionit GERB, partisë me shumicë në pushtet në 15 vjetët e fundit dhe partisë PP. Në këto zgjedhje, GERB fitoi 68 deputetë dhe PP 39. Të dyja partitë janë pro-evropiane, por të prira ndaj betejave të brendshme dhe rivaliteteve personale.

Bullgaria dëshiron të bëhet anëtare e Eurozonës dhe zonës Shengen. Plani për t’u bashkuar me Eurozonën tashmë është vonuar dy herë për shkak të dështimit të Sofjes zyrtare për të frenuar inflacionin. /KP