Kryeministri izraelit Benjamin Netanyahu ka synuar të rrisë mbështetjen amerikane për luftën e Izraelit kundër Hamasit dhe grupeve të tjera të përkrahura nga Irani, në një fjalim para Kongresit amerikan.
Disa figura të larta në mesin e demokratëve e kanë bojkotuar fjalimin e tij, ndërsa protestues amerikanë kanë dënuar luftën në Gazë dhe krizën humanitare që ka shkaktuar.
Netanyahu theksoi nevojën për bashkëpunim midis Izraelit dhe Shteteve të Bashkuara, duke thënë: “Kur jemi bashkë, ne fitojmë, ata humbin.”
Ai gjithashtu krahasoi sulmet e fundit në Izrael me ngjarjet e 11 shtatorit 2001 në SHBA dhe e cilësoi datën 7 tetor si një ditë turpi për Izraelin.
Lufta e filluar në tetor të vitit të kaluar u nxit nga sulmet e Hamasit në jug të Izraelit, duke shkaktuar viktima të shumta dhe duke marrë peng shumë persona. Pas kësaj, Izraeli ka zhvilluar një fushatë për të shkatërruar kapacitetet e Hamasit në Gazë, e cila ka çuar në humbje të shumta njerëzish, përfshirë mbi 39,000 palestinezë sipas autoriteteve shëndetësore palestineze.
