Me ardhjen e mërgimtarëve kanë nisur edhe kolonat e automjeteve në pikat kufitare të Kosovës.

Sipas të dhënave të Qendrës kombëtare për menaxhim kufitar të orës 19:06, pritjet më të mëdha janë në hyrje të Merdares – 20 deri 30 minuta, teksa kolona e automjeteve është 300 metra. Në dalje nuk ka kolonë dhe pritjet janë 3 deri 5 minuta.

Kolona 350 metra gjatësi janë krijuar edhe Te Dheu i Bardhë, ku në hyrje duhet pritur 45 minuta, ndërsa në dalje nuk ka kolona dhe pritjet janë nga 3 deri në 5 minuta.

Në pikën tjetër kufitare Muçibabë pritjet në hyrje janë 10 minuta, me kolonën e automjeteve prej 30 metrash, ndërsa në dalje nuk ka kolonë dhe pritjet janë nga 3-5 minuta.