Në Bruksel kanë përfunduar takimet dypalëshe të emisarëve evropianë me liderët e Kosovës dhe Serbisë.

Tani pritet konfirmimi për fillimin e takimit të përbashkët mes kryeministrit të Kosovës, Albin Kurti, dhe presidentit të Serbisë, Aleksandar Vuçiq.

Përfaqësuesi i lartë për politikë të jashtme dhe siguri i Bashkimit Evropian, Josep Borrell, dhe i dërguari i BE-së për dialogun, Mirosllav Lajçak, fillimisht u takuan me kryeministrin e Kosovës, Albin Kurti. Më pas, ata pritën presidentin e Serbisë, Aleksandar Vuçiq, për rundin e ri të bisedimeve për normalizimin e raporteve.

Pas takimit trepalësh, pritet që kryediplomati evropian të mbajë një konferencë për media.