Kryeministri i Kosovës, Albin Kurti, dhe presidenti i Serbisë, Aleksandar Vuçiq, do të takohen të mërkurën në Bruksel. Shefi i diplomacisë së Bashkimit Europian, Josep Borrell, do t’i presë ata fillimisht, sipas një njoftimi të BE-së.

Në një deklaratë zyrtare, thuhet se të dy liderët kanë konfirmuar pjesëmarrjen e tyre. Miroslav Lajçak, Përfaqësuesi i Lartë dhe Përfaqësuesi Special i BE-së, do të mbajë takime të ndara me Kurtin dhe Vuçiqin nga ora 15:00, pas së cilës pritet një takim i përbashkët trepalësh.

Qëllimi i takimeve është të analizohen progreset e arritura në dialogun nën udhëheqjen e Borrellit dhe të përqendrohen në planet përpara.

Përfaqësuesi i Lartë Borrell do të mbajë deklarata për mediat para dhe pas takimeve në ndërtesën e EEAS, siç është cekur në njoftim.