Presidenti i zgjedhur Donald Trump raportohet se ka zhvilluar një bisedë telefonike me presidentin rus Vladimir Putin të enjten për të diskutuar luftën në Ukrainë, sipas raporteve.
Washington Post citon një burim të njohur me telefonatën duke thënë se Trump e paralajmëroi Putinin të mos e përshkallëzonte konfliktin dhe i kujtoi atij praninë e konsiderueshme ushtarake të SHBA-së në Evropë.
Sipas “disa” burimeve të tjera, dyshja diskutuan gjithashtu qëllimin e paqes në kontinent, si dhe perspektivën e një thirrjeje të mëtejshme së shpejti për të shqyrtuar zgjidhjen e luftës në Ukrainë”.
WP tha se dy burime treguan se qeveria e Ukrainës ishte informuar për thirrjen e Putinit – dhe nuk kundërshtoi që biseda të zhvillohej, shkruan Sky News.
Por Sky News shkruan se nuk e ka verifikuar në mënyrë të pavarur raportimin e WP.
Të premten, Kremlini tha se Putini ishte i gatshëm të diskutonte Ukrainën me Trump – por kjo nuk do të thotë se ai ishte i gatshëm të ndryshonte kërkesat e Moskës – domethënë që Ukraina të heqë dorë nga ambiciet e saj për t’u bashkuar me NATO-n dhe të dorëzojë katër territoret e mbajtura aktualisht nga Rusia.
Ndërkohë sipas Sky News, një zëdhënës i Ministrisë së Jashtme të Ukrainës ka thënë se Kievit nuk i është ofruar ndonjë njoftim paraprak për një telefonatë të raportuar mes Donald Trump dhe Vladimir Putin.
Zëdhënësi i Ministrisë së Jashtme tha se ishte “e pamundur” që Ukraina të kishte miratuar ose kundërshtuar thirrjen, pasi raportet që sugjeronin se kishte njoftim paraprak ishin “të rreme”.
