Një 24 vjeçar sot në orët e mbrëmjes është therur me thikë prapa stacionit në Gjilan.
Rastin për Telegram News e ka konfirmuar zëdhënësi i Policisë për Rajonin e Gjilanit, Ismet Hashani.
Zëdhënësi tha se viktima është dërguar në QKUK për trajtim mjekësor ndërsa i dyshuari është emër i njohur për Policinë dhe se është në kërkim.
“Ju njoftojme se sot me datën 13.11.2024 rreth orës 20:20 kemi pranuar një informatë se në rrugë “Isa Boletini’’ prapa stacionit të autobusve në qytetin e Gjilanit ka ndoodh një rast therje me thikë. Njësitet policore kanë dalur në vendin e ngjarjes.
Sipas hetimeve të para mësohet se viktima është i moshës 24 vjeqar i cili me urgjencë është derguar në qendrën emergjente këtu në Gjilan dhe më pas për shkak të lëndimeve dergohet në QKUK në Prishtinë për trajtim të mëtejmë. I dyshuari i këtij rasti i njohur për policinë është vënë në kërkim policor”, tha Hashani.
