Shefi i Grupit Parlamentar të AAK-së, Besnik Tahiri, i ka kërkuar Qeverisë së Kosovës që të mirret me çështjen e pagave për minatorët.
Tahiri në Facebook ka thënë se minatorët e Trepçës janë pa rroga, derisa ka thënë se qeveritarët po shëtitën e po bëjnë video në Paris.
“U shëtitët boll, edhe foto e video bëtë në Paris, tash a po merreni me minatorët e Trepçës që janë pa rroga, me bllokadat e rrugëve gjithandej Kosovës, me pensionistët që po presin pas katër vjet qeverie me ua rritë pensionet me dëmet ekonomike e me bllokadën ndërkombëtare”. Tha Tahiri në Facebook.
“Punoni najsen të hajrit, e jo veç me kontrata njëburimore e korruptive! Se di për besë çka do të folni në fushatë!!”, shtoi ai.
Ndryshe, gjatë ditës së djeshme Sindikata e Pavarur e Minatorëve të “Trepçës”, ka bërë të ditur se minatorët ende nuk i kanë marrë pagat e muajit qershor.
Nga Sindikata, kanë njoftuar se interesimi i qeverisë, ministrisë dhe bordit është zero, teksa nuk e përjashtojnë mundësinë e migrimit si pasojë e kësaj qasjeje./TelegramNews./
