Shtetet e Bashkuara kapën aeroplanin e Presidentit Venezuelës Nicolas Maduro në Republikën Dominikane pasi zbuluan se sanksionet amerikane ishin shkelur gjatë prokurimit të avionit. Sipas dy zyrtarëve amerikanë, SHBA transportoi aeroplanin në Florida sot.

Zyrtarët e SHBA thanë se avioni ishte ekuivalenti i avionit të Air Force One dhe se Maduro e kishte përdorur atë më herët gjatë vizitave shtetërore, përcjell Telegram News.

Vlen 13 milionë dollarë

Dassault Falcon 900, me vlerë rreth 13 milion dollarë, ka qenë në Republikën Dominikane për muajt e fundit.

Sanksionet e SHBA-së erdhën përsëri mbi sektorin e naftës dhe gazit Venezuelas në fillim të këtij viti sepse qeveria e Maduro nuk lejonte të mbaheshin zgjedhje presidenciale konkurruese. Pasi Maduro fitoi përsëri në 28 korrik, Venezuela pezulloi fluturimet tregtare për në dhe nga Republika Dominikane.

Në mars 2020, Departamenti i Drejtësisë i SHBA-së akuzoi Maduro, së bashku me 14 zyrtarë aktualë dhe të mëparshëm të Venezuelës, për trafikimin e drogës dhe korrupsionin. /TelegramNews/