Rusia ka liruar gazetarin e Wall Stree Journal, Evan Gershkovich dhe ish-marinsin amerikan Paul Whelan në një shkëmbim të madh të burgosurish me SHBA-në.

Dy amerikanë, të cilët u arrestuan në Rusi me akuzën e spiunazhit, tashmë janë në rrugë për në destinacionet e dakorduara jashtë kufijve të Rusisë.

Prej ditësh sipas Bloomberg, po spekulohet se është duke u zhvilluar shkëmbimi më i madh i të burgosurve që nga koha e Luftës së Ftohtë, ku nga njëra anë marrin pjesë Rusia dhe Bjellorusia dhe nga ana tjetër Shtetet e Bashkuara, Gjermania, Sllovenia dhe Britania e Madhe.