U.D. Drejtoresha e RTK-së Zana Spahiu, e cila ka kërkuar dorëheqjen nga kjo pozitë, qysh nga data 31 korrik, me anë të një letre ku flet për punën e saj edhe pse në periudhë të shkurtër si U.D Drejtoreshë, e për dorëheqjen e saj, ndërmjet rreshtash ka zbuluar edhe një tjetër skandal në Telvizionin Publik.
Spahiu, ka treguar se si RTK-ja ka mbetur pa vetura, veç një ditë pasi ajo mori detyrën.
“Para pak ditësh kam pranuar me krenari pozitën e u.d Drejtoreshës së Përgjithshme të RTK-së.
Ishte një moment i rëndesishëm pas kontributit tim 14 vjeçar si Juriste në këtë institucion. Për fat të keq, zgjati pak! Një ditë pasi që kam pranuar detyrën, RTK ka mbetë pa vetura.
Filluam punën menjëherë për të shikuar mundësinë e blerjes së disa veturave dhe riparimin e disa tjerave të harruara në parkingje tona. “ – ka shkruar Spahiu ndër të tjera.
Ndërkohë që ka thënë se dorëheqjen e ka dhënë për arsye personale.
